O‘RTA CHARXIN MAHALLASIDA ICHKI YO‘LLAR ASFALTLANADI
Xalq deputatlari Pastdarg‘om tumani Kengashining 2026-yil 10-sentabrdagi VII-34-115-7-101-K/26-son qarori bilan aholi tashabbuslarini qo‘llab-quvvatlash hamda mahallalarda yo‘l infratuzilmasini yaxshilash maqsadida mablag‘ ajratildi.
📍 O‘rta Charxin mahallasida Yangiobod, Namuna, Nurafshon hamda Charog‘on ko‘chalarining ichki yo‘llarini asosiy ko‘chalarga bog‘lash va ularga asfalt qoplamasi yotqizish ishlari amalga oshiriladi.
Shuningdek, o‘quvchilarning maktabga xavfsiz kelib-ketishini ta’minlash maqsadida piyodalar yo‘lakchalari shakllantiriladi. 🚶‍♂️🚶‍♀️
🔹 Ajratilgan mablag‘: 1 mlrd 552 mln 500 ming so‘m
🔹 Moliyalashtirish manbasi: Fuqarolar tashabbusi jamg‘armasi
🔹 Buyurtmachi: Samarqand mintaqaviy yo‘llarga buyurtmachi DM
🔹 Asos: loyiha-smeta hujjatlari
🔹 Amalga oshirish: tender asosida
Mazkur loyiha mahalla aholisi uchun qulay va sifatli yo‘l infratuzilmasini yaratish, ichki ko‘chalarni asosiy yo‘llar bilan bog‘lash hamda maktab o‘quvchilarining xavfsiz harakatlanishi uchun zarur sharoitlarni yaxshilashga xizmat qiladi.
🇺🇿 Aholi tashabbusi — obod mahalla va xavfsiz yo‘llar sari muhim qadam!