PAXTA YIG‘IM-TERIMIGA TAYYORGARLIK HOLATI O‘RGANILDI
Xalq deputatlari Pastdarg‘om tumani Kengashining navbatdagi sessiyasi kun tartibiga kiritilgan masala yuzasidan Yangiobod mahallasida o‘rganish ishlari olib borildi.
O‘rganish davomida fermer xo‘jaligi raisi X. Haydarov bilan suhbat o‘tkazilib, xo‘jalikda paxta yig‘im-terim mavsumiga tayyorgarlik holati hamda terimchilar uchun yaratilgan shart-sharoitlar muhokama qilindi.
🌿 Jumladan, paxta hosilini o‘z vaqtida va sifatli yig‘ib-terib olishga ko‘rilayotgan tayyorgarlik, terimchilarni mavsumga jalb etish, ularning mehnat qilishi uchun zarur sharoitlarni yaratish, shuningdek, mavsum davomida xavfsizlik va sanitariya talablariga rioya etish masalalariga e’tibor qaratildi.
📌 Shuningdek, terimchilarning mehnatini munosib tashkil etish, mavsum davomida ularning ehtiyojlarini o‘rganib borish va aniqlangan muammolarni o‘z vaqtida bartaraf etish yuzasidan fikr almashildi.