O‘zbekiston Ekologik partiyasi Qoraqalpog‘iston Respublikasi partiya tashkiloti Kengashining shahar va tuman partiya tashkilotlari raislarining mahalliy Kengash deputatlari bilan birgalikda ekologik masalalarni o‘rganish grafigi asosida Taxiatosh tumanida ekologik monitoring tadbiri o‘tkazildi.

Tadbir davomida avtotransport vositalaridan chiqarilayotgan chiqindi gazlarning atmosfera havosiga ta’siri, shuningdek, avtomobillarning texnik holati va texnik ko‘rikdan o‘tkazilishining atrof-muhitga ta’siri o‘rganildi.

Monitoring jarayonida transport vositalaridan chiqayotgan zararli chiqindilarni kamaytirish, atmosfera havosining ifloslanishining oldini olish hamda ekologik xavfsizlikni ta’minlash masalalariga alohida e’tibor qaratildi.

Tadbirda O‘zbekiston Ekologik partiyasi Taxiatosh tumani partiya tashkiloti raisi T.Kungradbaev, Xalq deputatlari Taxiatosh tumani Kengashi kotibiyati mudiri, O‘zbekiston Ekologik partiyasidan saylangan deputat Matniyazov Akbar Qadirovich, tuman partiya kengashi sekretariyati xodimlari hamda ekologiya sohasi xodimi ishtirok etdilar.

Tadbir yakunida aniqlangan holatlar yuzasidan tegishli xulosa va takliflar ishlab chiqilib, atmosfera havosini muhofaza qilish hamda avtotransport vositalaridan chiqariladigan zararli chiqindilarni kamaytirish bo‘yicha zarur choralarni ko‘rish masalalari belgilab olindi.