👤 Xalq deputatlari Shovot tumani Kengashi deputati, “Adolat” SDP a’zosi, 19-Eshon qal’a saylov okrugidan saylangan deputat D.Shodonova hamda Kengash kotibiyati bosh mutaxassisi U.Ro‘zmetov tomonidan Eshon qal’a mahallasining Iqbol ko‘chasi, 118-uyda yashovchi Q.Z. oilasining holati mahalla ijtimoiy xodimi bilan joyiga chiqib o‘rganildi.
📋 O‘rganish davomida ijtimoiy reyestrga kiritilgan oilaga uy-joy sharoitini yaxshilash maqsadida “Ayollar daftari” jamg‘armasi mablag‘lari hisobidan 20 million 600 ming so‘m mablag‘ ajratilgani hamda mazkur mablag‘ning amalda qanday yo‘naltirilgani ko‘rib chiqildi.
🏠 Shuningdek, ajratilgan mablag‘ hisobidan oilaning uy-joy sharoitini yaxshilash bo‘yicha amalga oshirilgan ishlar joyida ko‘zdan kechirildi.
🤝 O‘rganish yakunida oilaning mavjud ehtiyojlari va ijtimoiy holati yuzasidan tegishli tavsiyalar berildi.