Davlatimiz rahbari raisligida aholi bandligini oshirish va kambag‘allikni tizimli qisqartirish bo‘yicha o‘tkazilgan videoselektor yig‘ilishida belgilab berilgan ustuvor va kechiktirib bo‘lmaydigan vazifalarni Termiz shahrida so‘zsiz ta’minlash borasidagi amaliy muloqotlar davom etmoqda.

Xalq deputatlari Termiz shahar Kengashining 17-“Surxon sohili” saylov okrugi deputati B.Raxmatullayev hamda Kengash kotibiyati bosh mutaxassisi R.Mamashukurovlar okrug hududidagi “Manguzar” mahallasida bo‘lishdi.

Mas’ullar va deputat ishtirokida mahalla binosida mahalla faollari hamda "mahalla yettiligi" vakillari ishtirokida yig‘ilish o‘tkazildi.
Yig‘ilish davomida Prezidentimiz tomonidan videoselektorda berilgan topshiriqlarni “Baynalminal” mahallasi kesimida sifatli amalga oshirish bo‘yicha quyidagi chora-tadbirlar belgilab olindi:

• "Xonadonbay" xatlov va reyestr tahlili: Mahalladagi ehtiyojmand, vaqtincha ishsiz va kam daromadli oilalarning haqiqiy holatini "xonadonbay" o‘rganish hamda "Ijtimoiy reyestr" tizimini doimiy yangilab borish;

• Bandlikni ta’minlash va kasb-hunar: Ishsiz fuqarolarni, ayniqsa xotin-qizlar va yoshlarni hududdagi tadbirkorlik subyektlaridagi bo‘sh ish o‘rinlariga joylashtirish, qisqa muddatli kasb-hunar hamda tadbirkorlik kurslariga yo‘naltirish;

• Moliyaviy ko‘mak va DXSh: Oilaviy tadbirkorlik dasturlari doirasida imtiyozli kredit va subsidiyalarni haqiqiy muhtoj va biznes g‘oyasi bor fuqarolarga maqsadli ajratish orqali ularni barqaror daromad manbai bilan ta’minlash;

• "Mahalla yettiligi" mas’uliyati: Kambag‘allikni qisqartirish borasida mahalla yoshlar yetakchisi, hokim yordamchisi, xotin-qizlar faoli va ijtimoiy xodimning hamkorligini yanada kuchaytirish.

"Prezidentimiz tomonidan belgilab berilgan har bir topshiriqning mazmun-mohiyati xalqimizning roziligiga va inson qadrini ulug'lashga qaratilgan. 'Baynalminal' mahallasida birorta ham doimiy daromadsiz va ehtiyojmand oila qolmasligi uchun barcha kuch va imkoniyatlarimizni jipslashtiramiz. Faollarimiz va 'yettilik' a'zolari har bir xonadon dardi bilan yashashi lozim," — deya ta'kidladi deputat.

Yig‘ilish yakunida aniqlangan muammolar bo‘yicha individual (manzilli) "yo‘l xaritalari"ni ishlab chiqish hamda ushbu yo‘nalishdagi ishlarni jadallashtirish yuzasidan mahalla mas’ullariga tegishli ko‘rsatma va deputatlik tavsiyalari berildi.