Búgin Xalıq deputatları Bozataw rayonlıq Keńesiniń Jergilikli byudjet, isbilermenlikti rawajlandırıw hám ekonomikalıq reformalar máseleleri boyınsha turaqlı komissiyası májilisi bolıp ótti.
Májiliske turaqlı komissiya baslıǵı J.Jumanazarov hám komissiya aǵzaları qatnastı.
Kún tártibindegi tiykarǵı másele — Bozataw rayonı jergilikli byudjetiniń 2026-jıl 1-yanvar jaǵdayına anıqlanǵan erkin qaldıq qarjıları hám olardıń jumsalıw jónelisleri haqqında boldı.
Májiliste Bozataw rayonı hákiminiń finans-ekonomika hám kámbaǵallıqtı qısqartıw máseleleri boyınsha birinshi orınbasarı R.Berdimuratovtıń málimlemesi tıńlandı.
Málimlemede jergilikli byudjettiń erkin qaldıq qarjılarınıń qáliplesiwi, olardıń muǵdarı hám tiykarǵı jumsalıw jónelisleri haqqında keń maǵlıwmat berildi. Sonday-aq, qarjılardı nátiyjeli hám maqsetli jumsaw, rayon social-ekonomikalıq rawajlanıwına baǵdarlanǵan máselelerdi finanslıq jaqtan qollap-quwatlawǵa ayrıqsha itibar qaratıldı.
Turaqlı komissiya baslıǵı J.Jumanazarov hám komissiya aǵzaları málimlemeni tıńlap, erkin qaldıq qarjıların jumsaw jónelisleri boyınsha pikir alıstı. Deputatlar tárepinen qarjılardıń nızamlı, ashıq hám maqsetli jumsalıwın támiyinlew boyınsha birqatar usınıslar bildirildi.
Májilis juwmaǵında kún tártibindegi másele keńnen talqılanıp, tiyisli usınıs hám pikirler bildirildi.