🇺🇿🇺🇿🇺🇿  🇺🇿🇺🇿🇺🇿🇺🇿🇺🇿🇺🇿
#Mustaqillik35 #Uzb35

MUSTAQILLIGIMIZNING 35 YILLIGI — YUKSAK BAYRAMONA RUHDA

🇺🇿 Eng ulug‘ va eng aziz bayramimiz — O‘zbekiston Respublikasi Mustaqilligining 35 yilligi Uchtepa tumanidagi “Sharq guli” mahallasida ham ko‘tarinki ruhda nishonlandi. Bayram tadbirida xalq deputatlari Uchtepa tumani Kengashining 5-“O‘tkir” saylov okrugi deputati Ibrohimjon Abdullayev ishtirok etdi.

🗣 Tadbir davomida mahalla ahli uchun bayramona dasturxon yozilib, milliy taomlar, xususan, an’anaviy osh tayyorlandi. Shuningdek, shodiyona munosabati bilan yangragan sho‘x kuy-qo‘shiqlar yig‘ilganlarga ko‘tarinki kayfiyat ulashdi.

📇 Bayram bahonasida mahalla aholisi bir davrada jam bo‘lib, istiqlolimizning qadr-qimmati, yurtimizdagi tinchlik va osoyishtalikning ahamiyatini yana bir bor his etdilar.

Mustaqillik — xalqimizning bebaho qadriyati, bugungi farovon va bunyodkor hayotimizning mustahkam poydevoridir.