O‘rganish davomida Moyan MFY hududida joylashgan madaniy meros obyektining bugungi holati jiddiy e’tibor talab qilishi aniqlandi. Xususan, obyekt atrofi qarovsiz, obodonlashtirilmagan va sanitariya holati talab darajasida emasligi, hududda tozalik va tartibga yetarlicha e’tibor qaratilmaganligi kuzatildi.
️Mazkur holat madaniy meros obyektini asrash va uning tarixiy qiyofasini saqlab qolish borasidagi talablarning to‘liq bajarilmayotganidan dalolat beradi. Obyekt atrofidagi qarovsiz holat uning tashqi ko‘rinishiga salbiy ta’sir ko‘rsatib, kelgusida yanada yomonlashishiga olib kelishi mumkin.
Shuningdek, madaniy meros obyektlarini muhofaza qilish faqatgina obyektning o‘zini saqlash bilan cheklanmasligi, balki uning atrofidagi hududni ham obodonlashtirish, tozaligini ta’minlash va tegishli tartibda saqlashni talab etishi ta’kidlandi.
️ O‘rganish yakunlari bo‘yicha aniqlangan kamchiliklarni zudlik bilan bartaraf etish, obyekt atrofi hududini obodonlashtirish va sanitariya holatini yaxshilash, shuningdek, madaniy meros obyektining muhofazasini kuchaytirish yuzasidan tegishli tavsiyalar belgilandi.