#jamoatchilik_nazorati
#24_ta_tavsiya

Nurafshon shahri Dehqon bozorida mahsulotlar narxi va sifati deputat nazoratida

Nurafshon shahar dehqon bozorida aholi uchun yaratilgan shart-sharoitlar, mahsulotlar narx-navosining barqarorligi, ularning sifati va sanitariya-gigiyena holati bo‘yicha navbatdagi o‘rganish o‘tkazildi.
Ushbu o‘rganish tadbiri Xalq deputatlari Nurafshon shahar Kengashi kotibiyat mudiri K.Umarboev, shahar XDP partiyasi raisi va kotibyat xodimi tomonidan amalga oshirildi.

O‘rganish davomida:
🔸Aholi eng ko‘p iste’mol qiladigan asosiy oziq-ovqat mahsulotlari (go‘sht, yog‘, un, kartoshka, piyoz va sabzavotlar) narxlarining sun’iy ravishda oshib ketishiga yo‘l qo‘ymaslik choralariga.
🔸Shahar aholisining ehtiyojlarini uzluksiz ta’minlash uchun zarur bo‘lgan oziq-ovqat va qishloq xo‘jaligi mahsulotlari yetarli miqdorda g‘amlangani.
🔸Rasta va do‘konlardagi mahsulotlarning saqlanishi, ularning iste’molga yaroqliligi hamda bozordagi umumiy sanitariya-gigiyena talablariga rioya etilishiga.

Tadbirkor va sotuvchilar bilan kechgan samimiy muloqotda deputat aholiga sifatli mahsulotlarni hamyonbop narxlarda yetkazib berish bo‘yicha mas’uliyatni eslatib o‘tdi. Shuningdek, aniqlangan ayrim kichik kamchiliklar joyida bartaraf etilib, bozor ma’muriyatiga tegishli tavsiya va ko‘rsatmalar berildi.

Aholi manfaatlari va oziq-ovqat xavfsizligini ta’minlash borasidagi bunday nazorat tadbirlari muntazam ravishda davom ettiriladi.