🗓 HOKIM YORDAMCHILARI FAOLIYATI SAMARADORLIGI O‘RGANILDI
Xalq deputatlari Toshkent viloyati Kengashi deputati Alisher Turdiyevga biriktirilgan Nurafshon shahar Kengashi Kotibiyati mudiri K.Umarboev, kotibiyat mutaxassisi tomonidan tomonidan 17-Xurriyat saylov okrugi hududidagi Xurriyat MFY mahallasida deputatlik nazorati tadbiri o‘tkazildi. 🏘

📈Nazorat tadbiri davomida "Mahalla yettiligi" tomonidan amalga oshirilayotgan ishlar, xususan hokim yordamchisining aholini kambag‘allikdan chiqarish, bandligini ta’minlash hamda oilaviy tadbirkorlikni rivojlantirish borasidagi faoliyati o‘rganildi.

O‘rganish jarayonida 22 nafar ishsiz fuqaro kasb-hunar va tadbirkorlikka o‘qitilgani, 38 nafar fuqaroning doimiy ish bilan ta’minlangani aniqlandi. Shuningdek, yil boshidan buyon 62 nafar fuqaroga tadbirkorlik faoliyatini yo‘lga qo‘yish va rivojlantirish maqsadida 162 fuqaro o‘zini- o‘zi band qilgan shaxs sifatida ro‘yxatdan o‘tkazilgani qayd etildi.

📝Uchrashuv yakunida hokim yordamchisi bilan hamkorlikda aniqlangan muammolarni bosqichma-bosqich hal etish, ijtimoiy himoyaga muhtoj oilalarni qo‘llab-quvvatlash hamda mavjud kamchiliklarni bartaraf etish bo‘yicha aniq chora-tadbirlar rejasi ishlab chiqildi.