🔹Xalq deputatlari Bo‘stonliq tumani Kengashining 2026-yilga mo‘ljallangan Ish rejasiga muvofiq Kengashning tegishli qaroriga asosan tumanning “S.Raximov” mahallasi “Navobaxsh” mahallasida ichki yo‘llarni asfaltlashtirish bo‘yicha amalga oshirilayotgan ishlar O‘zbekiston “Adolat” sotsial-demokratik partiyasidan saylangan deputat A.Mannobov tomonidan o‘rganildi.

🔹O‘rganish jarayonida ichki yo‘llarda olib borilayotgan ta’mirlash ishlarining belgilangan talablarga muvofiqligi, bajarilayotgan ishlar sifati, yo‘l qoplamasining holati hamda aholi uchun yaratilayotgan qulayliklarga alohida e’tibor qaratildi.

🔹O‘rganish davomida mahallada ta’mirlanayotgan ichki ko‘chalarda olib borilayotgan ishlar, yo‘l qoplamasining sifati, qurilish materiallarining me’yorlarga muvofiqligi, texnika va ishchi kuchining jalb etilganlik darajasi ko‘zdan kechirildi. Shuningdek, ta’mirlash ishlarining belgilangan muddatlarda va sifatli bajarilishi yuzasidan mas’ul tashkilotlar va pudratchilar bilan muloqot o‘tkazildi

🔹Deputat A. Mannobov tomonidan mazkur yo‘nalishdagi ishlar aholi manfaatlaridan kelib chiqqan holda muntazam ravishda nazorat qilib borilishi ta’kidlandi.

🔹O‘rganish yakunida aniqlangan ayrim kamchiliklarni bartaraf etish, qurilish ishlarini belgilangan standartlar asosida va yuqori sifatda yakunlash bo‘yicha mutasaddi tashkilotlarga tegishli tavsiya va takliflar berildi.