O‘rganishda Xalq deputatlari Oltinsoy tumani Kengashining 11-“Guliston” saylov okrugidan saylangan deputati Mamatmuratov Azamat Karamatovich, Xalq deputatlari Oltinsoy tumani Kengashi Kotibiyati mudiri M.Xujanov, Kotibiyatning bosh mutaxassislari A.Esanov hamda I.Roziqov ishtirok etdi. 

O‘rganish davomida tumandagi 18-sonli umumta’lim maktabining 2026–2027-o‘quv yiliga tayyorgarlik holati ko‘zdan kechirildi. Jumladan, maktabning moddiy-texnik bazasi, sinf xonalari va mavjud shart-sharoitlar,
ta’lim jarayonini tashkil etish uchun yaratilgan imkoniyatlar hamda obodonlashtirish ishlari holatiga e’tibor qaratildi. 

Shuningdek, aniqlangan kamchiliklarni bartaraf etish, yangi o‘quv yilini munosib kutib olish hamda ta’lim sifati va samaradorligini yanada oshirish yuzasidan mas’ullarga tegishli tavsiya va ko‘rsatmalar berildi. 

O‘rganish natijalari navbatdagi sessiyada ko‘rib chiqilishi rejalashtirilgan masala yuzasidan tegishli taklif va xulosalarni shakllantirishda inobatga olinadi.