TOLMOZOR MAHALLASI OMAD KO‘CHASI DA
MANZILLI O‘RGANISH ISHLARI OLIB BORILDI 

Xalq deputatlari Quva tuman Kengashi deputati A.Dadajonov hamda Kengash
kotibiyati bosh mutaxassisi M.To‘xtasinov tomonidan Tolmozor mahallasi Omad
ko‘chasida manzilli o‘rganish ishlari olib borildi. 

O‘rganish davomida deputat A.Dadajonov ko‘chaboshi A.Obidjonov bilan
birgalikda ko‘cha hududini aylanib, ko‘chadagi obodonlashtirish holatini
o‘rgandi. 

Ko‘chaboshi A.Obidjonov ayni paytda ko‘chadagi asosiy muammo “Farg‘ona
tozalik sanitar servis” MChJning tuman bo‘limi tomonidan maishiy chiqindilarni
belgilangan grafik asosida, o‘z vaqtida olib chiqib ketish ishlari yaxshi
emasligini bildirildi. 

Mazkur muammoni bartaraf etish maqsadida deputat mas’ul tashkilot rahbari
bilan bog‘lanib, aholi e’tirozini yetkazdi, tegishli tavsiyalar berdi va
tashkilot rahbaridan masalani hal etish yuzasidan ijobiy javob oldi. 

Aniqlangan muammo “Deputatning ko‘cha aylanish daftari”ga qayd etildi hamda
ularni ijobiy hal etish masalasi deputatlik nazoratiga olindi.