Deputat fuqarolar murojaatini o‘rgandi

👤 Xalq deputatlari Sherobod tumani Kengashi kotibiyati mudiri, 25-Tallashqon saylov okrugi deputati O. Tursunov tomonidan o‘z saylov okrugidagi “Boyqishloq” mahalla fuqarolar yig‘ini Bog‘ishamol qishlog‘i fuqarolarining murojaatlari o‘rganildi.

📌 O‘rganish davomida fuqarolar tomonidan bildirilgan murojaatlar, xususan, elektr energiyasi hisob-kitobi bilan bog‘liq masala tegishli mas’ullar ishtirokida ko‘rib chiqildi.

⚡️ Aniqlanishicha, Gulnora Jo‘liyevaning xonadoniga o‘rnatilgan DDS-28 rusumli elektr energiyasini hisoblash asbobi yaroqsiz holga kelgan hamda xonadon bo‘yicha 2 million so‘mdan ortiq qarzdorlik hisoblangan.

🤝 Mazkur holat tegishli mas’ullar bilan birgalikda o‘rganilib, elektr hisoblash asbobining texnik holati, qarzdorlikning shakllanish sabablari hamda murojaatni qonuniy hal etish masalalari muhokama qilindi.

📝 O‘rganish yakunida fuqaroning murojaatini amaldagi qonunchilik talablari asosida hal etish, aniqlangan muammoni bartaraf etish va tegishli choralarni ko‘rish bo‘yicha vazifalar belgilab olindi.

📌 Deputat tomonidan fuqarolar murojaatlarida ko‘tarilayotgan muammolarni o‘rganish va ularning qonuniy yechimini ta’minlash yuzasidan amaliy ishlar davom ettirilmoqda.

Xalq deputatlari Sherobod tumani Kengashi kotibiyati matbuot xizmati.