Xalq deputatlari Qo‘qon shahar Kengashiga 12-“Buloqboshi” saylov okrugidan saylangan deputat X.Nazarova tomonidan o‘z hududidagi “At-Termiziy” MFYda fuqarolar murojaatlarini o‘rganish jarayonida aholini ijtimoiy qo‘llab-quvvatlash bilan bog‘liq masalalarga alohida e’tibor qaratildi.

O‘rganish davomida Q.Xaydarov ko‘chasi, 61-uyda yashovchi fuqaro Aminova Ra’noxon murojaat qilib, uni “Kambag‘allik reyestri”ga kiritish masalasida amaliy yordam so‘radi.

Mazkur murojaat deputat X.Nazarova tomonidan nazoratga olinib, fuqaroning ijtimoiy va moddiy holati atroflicha o‘rganib chiqildi.

O‘rganish natijalaridan kelib chiqib, fuqaroning amaldagi tartib va mezonlar asosida “Kambag‘allik reyestri”ga kiritilishi masalasini ko‘rib chiqish yuzasidan “At-Termiziy” MFY hokim yordamchisi K.Akbarovga tegishli ko‘rsatma va tavsiyalar berildi.

Shuningdek, fuqaroning ijtimoiy holatini hisobga olgan holda, mavjud imkoniyatlardan samarali foydalanish, zarur ijtimoiy ko‘mak choralarini belgilash va murojaatni qonunchilikda belgilangan tartibda ko‘rib chiqish bo‘yicha tavsiyalar bildirildi.

Xalq deputatlari Qo‘qon shahar Kengashi