Xalq deputatlari Qo‘qon shahar Kengashiga 11-“O‘rmonbog‘” saylov okrugidan saylangan deputat N.Shomatov tomonidan “Davronbek” mahalla fuqarolar yig‘inida navbatdagi saylovchilar bilan uchrashuv va o‘rganish ishlari olib borildi.

Uchrashuv davomida fuqarolarning murojaatlari, taklif va muammolari tinglanib, ularni hal etish bo‘yicha zarur choralar belgilandi.

Xususan, Burchilik ko‘chasi 4-uyda yashovchi Alijonova Nigora tijorat bank kartasini yangilash jarayonida yuzaga kelgan muammo bo‘yicha murojaat qildi.

Murojaat yuzasidan deputat tomonidan tegishli bank xodimlari bilan bog‘lanilib, masalaning mazmuni o‘rganildi hamda fuqaroga amaliy yordam ko‘rsatildi. Natijada murojaatda ko‘tarilgan masala joyida ijobiy hal etildi.

Fuqarolarning murojaatlarini bevosita joyida o‘rganish va ularni tegishli tashkilotlar bilan hamkorlikda amaliy hal etish deputatlik faoliyatining muhim yo‘nalishlaridan biridir.

Xalq deputatlari Qo‘qon shahar Kengashi