Xalq deputatlari Qo‘qon shahar Kengashi deputati F.Mamajonov tomonidan “Oq oltin” mahalla fuqarolar yig‘inida ijtimoiy xodim M.Soxibovaning O‘zbekiston Respublikasining 2020-yil 10-oktyabrdagi O‘RQ-641-sonli “Nogironligi bo‘lgan shaxslarning huquqlari to‘g‘risida”gi Qonuni ijrosi yuzasidan olib borayotgan ishlari o‘rganildi.

O‘rganish davomida ijtimoiy xodim tomonidan nogironligi bo‘lgan shaxslar, yolg‘iz yashovchi keksalar hamda ijtimoiy himoyaga muhtoj fuqarolarni qo‘llab-quvvatlash borasida amalga oshirilayotgan ishlar yuzasidan batafsil ma’lumot berildi.

Xususan, joriy yilning o‘tgan davrida 31 ta oilaga jami 14 mln 102 ming so‘mlik oziq-ovqat mahsulotlari, shuningdek 32 nafar fuqaroga oziq-ovqat va kiyim-kechak mahsulotlari bilan yordam ko‘rsatilgani ma’lum qilindi.

Shuningdek, 1 nafar yakka yolg‘iz yashovchi fuqaroning uyi yangidan qurib berilgani, yana 1 nafar fuqaroning yashash xonadoni ta’mirlab berilgani qayd etildi.

Bundan tashqari, 80 yoshdan oshgan 3 nafar keksaga qarovchilar biriktirilib, ularning zarur ijtimoiy xizmatlardan foydalanishi ta’minlangan.

Oilaviy muhitda tazyiq va zo‘ravonlikka uchragan 2 nafar xotin-qizga himoya orderlari rasmiylashtirilishi ta’minlangani ham ma’lum qilindi.

O‘rganish jarayonida nogironligi bo‘lgan shaxslar va ijtimoiy himoyaga muhtoj fuqarolarning huquq va manfaatlarini himoya qilish, ularga ko‘rsatilayotgan ijtimoiy xizmatlar samaradorligini oshirish hamda mavjud muammolarni o‘z vaqtida aniqlab, amaliy yordam ko‘rsatish masalalari muhokama qilindi.

O‘tkazilgan uchrashuv va o‘rganish ishlarida Xalq deputatlari Qo‘qon shahar Kengashi kotibiyati bosh mutaxassislari X.Abdullayev va A.Adxamov, O‘zbekiston Respublikasi Ekologik partiyasi Qo‘qon shahar Kengashi raisi A.Akbarov, “Madad” NNT bosh mutaxassisi M.Toshboltayeva ham ishtirok etib, o‘rganish ishlariga ko‘maklashdilar.

Xalq deputatlari Qo‘qon shahar Kengashi