24-BAND IJROSI: SESSIYA OLDIDAN HUDUDLARDA O‘RGANISH ISHLARI DAVOM ETMOQDA
❄️ Kuz-qish mavsumiga tayyorgarlik — deputatlik nazoratida
Xalq deputatlari Pastdarg‘om tumani Kengashining navbatdagi sessiyasi kun tartibiga kiritilgan ijtimoiy soha obyektlarining kuz-qish mavsumiga tayyorgarligi, xususan, isitish tizimlarining holati yuzasidan hududlarda o‘rganish ishlari davom etmoqda.
Shu doirada deputat O‘.Shukurov tomonidan hududdagi maktabgacha ta’lim tashkilotlari, umumta’lim maktablari va tibbiyot muassasalarining kuz-qish mavsumiga tayyorgarlik holati o‘rganildi.
🔎 O‘rganish davomida isitish tizimlarining texnik holati, yoqilg‘i zaxirasi, mavsumga tayyorgarlik ko‘rish bo‘yicha amalga oshirilgan ishlar hamda ijtimoiy soha obyektlarida fuqarolar uchun yaratilgan shart-sharoitlar bilan tanishildi.
📌 Aniqlangan kamchiliklarni bartaraf etish, isitish tizimlarini mavsumga to‘liq tayyor holga keltirish hamda qish mavsumida ta’lim oluvchilar, bemorlar va xodimlar uchun qulay sharoit yaratish masalalariga alohida e’tibor qaratildi.
🎯 Ijtimoiy soha obyektlarining kuz-qish mavsumiga tayyorgarligi — deputatlik nazoratida!