21-BAND IJROSI: JINOYATCHILIKKA QARSHI KURASH HOLATI O‘RGANILDI
Xalq deputatlari Pastdarg‘om tumani Kengashi deputati faoliyatining eng muhim yo‘nalishlari bo‘yicha Tavsiyalarning 21-bandi ijrosini ta’minlash maqsadida deputat X.Turdiyev tomonidan Amir Temur mahallasida hududdagi jinoyatchilikka qarshi kurashish holati o‘rganildi.
🔎 O‘rganish davomida tuman hududida, ayniqsa “qizil” va “sariq” toifadagi hududlarda jinoyatchilikning oldini olish, mavjud jinoyatlarni bartaraf etish hamda profilaktik tadbirlarni kuchaytirish borasida amalga oshirilayotgan ishlar yuzasidan mas’ullar bilan suhbat o‘tkazildi.
🚔 Shuningdek, 102 tezkor xizmatining faoliyati va uning fuqarolar uchun qulay jihatlari haqida ma’lumotlar olindi. Qayd etilishicha, mazkur xizmatning tezkor va samarali faoliyati natijasida hududda jinoyatchilikning oldini olish borasida ijobiy natijalarga erishilmoqda.
📌 Jinoyatchilikning barvaqt oldini olish, fuqarolar xavfsizligini ta’minlash va mahallalarda osoyishtalikni mustahkamlash masalalari deputatlik nazoratida.
Xavfsiz mahalla — farovon hudud!