#Deputatlik_nazorati #Kotibiyat_hududlarda #24_ta_tavsiyaviy_savol #haftalik_ish_reja_ijrosi

ZARGARLIK MAHALLASIDA KUZATUV KAMERALARI VA JAMOAT XAVFSIZLIGI HOLATI O‘RGANILDI

🇺🇿 Zargarlik mahallasida kuzatuv kameralari faoliyati hamda hududda jinoyatchilikning oldini olish borasida amalga oshirilayotgan ishlar Xalq deputatlari Uchtepa tumani Kengashi raisi Jafar Ismanov boshchiligida Kengashning Korrupsiyaga qarshi kurashish, davlat organlarida ochiqlikni ta’minlash, huquqiy va xavfsizlik masalalari bo‘yicha doimiy komissiyasi raisi Abdurashid Abdushukurov ishtirokida joyiga chiqqan holda o‘rganildi.

📊 O‘rganish davomida mahallada 33 ta ko‘p qavatli uy mavjudligi va ularda 6 754 nafar fuqaro istiqomat qilishi qayd etildi. Shuningdek, hududda 334-sonli davlat maktabgacha ta’lim tashkiloti, Toshkent yuridik texnikumi, tuman Madaniyat bo‘limiga qarashli A.Qodiriy nomidagi madaniyat markazi hamda Toshkent shahar notariuslar arxivi faoliyat yuritayotgani inobatga olinib, mazkur obyektlarda jamoat xavfsizligini ta’minlash masalalariga alohida e’tibor qaratildi.

📸 Mahallada «Xuroson Servis» boshqaruv servis kompaniyasi tomonidan mahalla hududiga jami 76 ta kuzatuv kamerasi o‘rnatilgani, ular orasida Face ID, PTZ hamda zamonaviy rusumdagi boshqa videokuzatuv moslamalari mavjudligi ko‘zdan kechirildi. Mazkur tizim hududda xavfsiz muhitni ta’minlash, huquqbuzarlik va jinoyatlarning oldini olish hamda sodir etilishi mumkin bo‘lgan holatlarga tezkor chora ko‘rishda muhim ahamiyat kasb etayotgani ta’kidlandi.

📁 Shuningdek, xalq deputatlari Uchtepa tumani Kengashi deputatlarining 24 ta tavsiyaviy savolnomasida belgilangan vazifalar asosida hududdagi jinoyatchilikka qarshi kurashish holati, ayniqsa, «qizil» va «sariq» hududlarda jinoyatchilikni barvaqt aniqlash va uning oldini olish bo‘yicha amalga oshirilayotgan ishlar tahlil qilindi.

📝 O‘rganish yakunlari bo‘yicha mavjud videokuzatuv tizimidan samarali foydalanish, aniqlangan kamchiliklarni bartaraf etish hamda hududda xavfsiz muhitni yanada mustahkamlash yuzasidan mas’ullarga tegishli tavsiya va topshiriqlar berildi. Mazkur yo‘nalishdagi ishlar deputatlik nazorati asosida izchil davom ettiriladi.