Xalq deputatlari Shovot tumani Kengashi kotibiyati mudiri Masharipov Izzat Masharipovich hamda kotibiyat bosh mutaxassisi Ruzmetov Umrbek Shavkatovich boshchiligida 5-Beshmargan saylov okrugidan saylangan deputat Xolboyev Oybek Madaminovich va 11-Istiqbol saylov okrugidan saylangan deputat Dosova Gulxumar Kuranbayevna ishtirokida Beshmargan mahallasida o‘rganish ishlari olib borildi.
O‘rganishlar davomida deputatlar ko‘chama-ko‘cha yurib, aholi bilan bevosita muloqot qildilar. Xonadonlarda yaratilgan shart-sharoitlar, fuqarolarning turmush tarzi, ichki ko‘chalarning holati hamda aholining mahalla "yettiligi" faoliyatiga bo‘lgan munosabati o‘rganildi.
Bunday bevosita muloqot va joyiga chiqib o‘rganish ishlari mavjud muammolarni aniqlash, ularni tizimli hal etish hamda aholining fikr va takliflarini inobatga olgan holda tegishli choralarni belgilashda muhim ahamiyat kasb etadi.
🤝 Xalq bilan ochiq muloqot, muammolarni joyida o‘rganish va ularning yechimiga xizmat qiladigan amaliy ishlar izchil davom ettiriladi.