Xalq deputatlari Yunusobod tuman Kengashi deputati hamda O‘zbekiston Respublikasi Ekologiya va iqlim o‘zgarishi milliy qo‘mitasi huzuridagi Jamoatchilik kengashi a’zosi
O.R. Kashkarov Jamoatchilik kengashining navbatdagi yig‘ilishida ishtirok etdi.

👉Yig‘ilish davomida Qo‘mita boshqarmalari va tarkibiy bo‘linmalarining faoliyati, ularga yuklatilgan vazifalar ijrosi yuzasidan hisobotlar tinglandi. Jumladan, “Ekokultura” milliy loyihasini amalga oshirish boshqarmasi hamda Ekologik ta’lim bo‘limining faoliyati atroflicha muhokama qilindi.

🤝Muhokamalar jarayonida Qo‘mita rahbariyatiga “Ekokultura” loyihasi doirasida tashkil etilayotgan ekologik oromgohlarda Jamoatchilik kengashi a’zolari va O‘zbekiston Ekologik partiyasi deputatlarini bioxilma-xillik hamda ekologiya yo‘nalishlarida ekspert sifatida jalb etish taklifi ilgari surildi.

✅Shuningdek, Jamoatchilik kengashi a’zolari Qo‘mita Ekologik ta’lim bo‘limi mutaxassislari bilan hamkorlikda respublikamizdagi litsey va kollej o‘quvchilari uchun ekologik mavzularda ma’ruza va amaliy mashg‘ulotlar o‘tkazishga tayyor ekanliklarini bildirdilar.

✅Bildirilgan takliflar Ekologiya va iqlim o‘zgarishi milliy qo‘mitasi mas’ul boshqarma rahbarlari tomonidan qo‘llab-quvvatlandi. Mazkur tashabbuslar ekologik madaniyatni yuksaltirish, yoshlar o‘rtasida tabiatga mas’uliyatli munosabatni shakllantirish hamda bioxilma-xillikni asrash borasidagi ishlarni yanada samarali tashkil etishga xizmat qiladi.