📌 Deputatlik nazorati:
Xalq deputatlari tuman Kengashi deputati B.Amanov tomonidan “24 ta muhim masala” doirasida Do‘stlik mahalla fuqarolar yig‘inida deputatlik nazorati tadbiri o‘tkazildi.
Nazorat jarayonida mahalla yoshlar yetakchisi, xotin-qizlar faoli tomonidan amalga oshirilayotgan ishlar samaradorligi atroflicha tahlil qilindi. Xususan, yoshlarni bandlikka jalb etish, kasb-hunarga yo‘naltirish, ularning bo‘sh vaqtlarini mazmunli tashkil etish, xotin-qizlarni tadbirkorlikka jalb qilish, ularning huquq va manfaatlarini himoya qilish borasida amalga oshirilayotgan ishlar o‘rganildi.
Shuningdek, “mahalla yettiligi” o‘rtasidagi hamkorlik, aholi murojaatlari bilan ishlash, profilaktik tadbirlar hamda ijtimoiy dasturlarning ijrosi yuzasidan amaliy holatlar tahlil qilinib, mavjud muammo va kamchiliklarni bartaraf etish bo‘yicha tegishli taklif va tavsiyalar berildi.