Xalq deputatlari Jondor tumani Kengashiga 1-Tinchlik saylov okrugidan saylangan deputat I. Xolov tomonidan “Oxshix” mahallasi saylovchilarining ichki yo‘llarni shag‘allashtirish bilan bog‘liq murojaatlari o‘rganildi.
✔️O‘rganishlar davomida mahalla aholisini qiynab kelayotgan ichki yo‘llarning nosoz holati transport qatnovi va fuqarolar uchun qator noqulayliklar tug‘dirayotgani aniqlandi. Mazkur muammoni ijobiy hal etish maqsadida deputat tomonidan tuman hokimining o‘rinbosari, Obodonlashtirish boshqarmasi boshlig‘i X. Bafoyev nomiga deputat so‘rovi yuborildi.
✔️Deputat so‘rovida “Oxshix” mahallasidagi ichki yo‘llarni shag‘allashtirish ishlarini tashkil etish hamda mazkur masalani belgilangan tartibda ko‘rib chiqish so‘ralgan. Ushbu murojaat ijrosi deputat tomonidan nazoratga olingan bo‘lib, aholi uchun qulay va xavfsiz infratuzilmani yaratish yo‘lida amaliy ishlar davom ettiriladi.