Xalq deputatlari Jondor tumani Kengashiga 7-Ibn Sino saylov okrugidan saylangan deputat E. Tursunov tomonidan saylovchilar manfaatlarini himoya qilish va ularni qiynayotgan muammolarni hal etish borasidagi ishlar izchil davom ettirilmoqda.
✔️Jumladan, deputat tomonidan "Luqmon" mahallasi aholisini suyultirilgan gaz ballonlari bilan o‘z vaqtida ta’minlashda kuzatilayotgan muammolar o‘rganilib, murojaatlar tahlil qilindi.
✔️Aniqlangan holatlar yuzasidan amaliy choralar ko‘rish maqsadida "Jondortumangaz" gaz ta’minoti bo‘limi boshlig‘i G‘. Nosirov nomiga deputat so‘rovi yuborildi. So‘rovda aholini suyultirilgan gaz ballonlari bilan uzluksiz va belgilangan jadval asosida ta’minlash, mavjud kamchiliklarni bartaraf etish hamda mazkur masala yuzasidan qonunchilikda belgilangan tartibda tegishli choralar ko‘rish so‘ralgan.
✔️Deputatlik nazorati doirasida mazkur masalaning ijrosi yuzasidan monitoring ishlari davom ettiriladi. Aholini sifatli va uzluksiz kommunal xizmatlar bilan ta’minlash, fuqarolar murojaatlariga o‘z vaqtida yechim topish deputat faoliyatining ustuvor yo‘nalishlaridan biri hisoblanadi.