Xalq deputatlari Chilonzor tumani Kengashi deputati Saidova Shukrona To‘xtayevna tomonidan fuqarolarning ijtimoiy muammolarini hal etish yuzasidan yuborilgan deputatlik so‘roviga rasmiy javob olindi.

Unga ko‘ra, “Nafosat” mahallasi 8-mavze, 23-uy, 18-xonadonda istiqomat qiluvchi Xusnulina Rimma Sobitovna oilasining uy-joyini ta’mirlash masalasi bo‘yicha murojaati belgilangan tartibda ko‘rib chiqilgan. O‘zbekiston Respublikasi Vazirlar Mahkamasining amaldagi qarorlari asosida zarur hujjatlar rasmiylashtirilib, axborot tizimiga kiritilgan hamda mahalla yettiligi tomonidan ijobiy xulosa berilgan.

Shuningdek, “Saxovat va ko‘mak” jamg‘armasi mablag‘lari hisobidan uy-joyni ta’mirlash uchun 20 million 600 ming so‘m miqdorida mablag‘ ajratish bo‘yicha kollegial qaror qabul qilinib, tegishli tartibda tuman Obodonlashtirish boshqarmasiga yuborilgani ma’lum qilindi.