️Xalq deputatlari Jondor tumani Kengashiga 9-Obod saylov okrugidan saylangan deputat B. Yusupov tashabbusi bilan Namgoni qishlog‘ida aholi uchun muhim bo‘lgan ichki yo‘lni tartibga keltirish ishlari amalga oshirildi.
➡️Mazkur tashabbus fuqarolarning murojaatlari hamda hududni o‘rganish jarayonida aniqlangan muammolar asosida yo‘lga qo‘yildi. Amalga oshirilgan obodonlashtirish ishlari natijasida yo‘l tekislanib, transport vositalari va piyodalarning xavfsiz hamda qulay harakatlanishi uchun zarur sharoit yaratildi.
➡️Deputat B. Yusupovning ta’kidlashicha, saylovchilarni qiynab kelayotgan dolzarb masalalarni joyida o‘rganish va ularni bosqichma-bosqich hal etish deputatlik faoliyatining ustuvor yo‘nalishlaridan biri hisoblanadi. Shu bois hududlarda mavjud infratuzilma muammolarini bartaraf etish yuzasidan tegishli tashkilotlar bilan hamkorlik davom ettirilmoqda.
➡️Mahalla aholisi amalga oshirilgan ishlardan mamnunligini bildirib, ichki yo‘lning tartibga keltirilgani kundalik qatnovni yengillashtirish bilan birga, hudud obodligi va yashash sharoitining yanada yaxshilanishiga xizmat qilishini ta’kidladi.
➡️Xalq deputatlari Jondor tumani Kengashi deputatlari tomonidan saylovchilar manfaatlarini ta’minlash, hududlarni obodonlashtirish va mavjud muammolarni amaliy hal etishga qaratilgan ishlar izchil davom ettirilmoqda.