Xalq deputatlari Bo‘stonliq tumani Kengashining 2026-yilga mo‘ljallangan ish rejasiga muvofiq O‘zbekiston “Adolat” sotsial-demokratik partiyasidan saylangan deputat N.Nadirova va kotibiyat xodimi N.Kurganova tomonlaridan Kadastr agentligi tuman bo‘limida O‘zbekiston Respublikasining “Davlat kadastrlari to‘g‘risida”gi Qonuni ijrosi o‘rganildi.

O‘rganish davomida bo‘lim boshlig‘i A.Mamadaliyev ishtirokida yer uchastkalari, bino va inshootlarni davlat ro‘yxatidan o‘tkazish, kadastr hujjatlarini rasmiylashtirish, ko‘chmas mulk obyektlariga oid ma’lumotlarning yagona axborot tizimida yuritilishi, kadastr ma’lumotlarining haqqoniyligi va doimiy yangilanib borishi holati tahlil qilindi. Shuningdek, davlat kadastrlarini yuritish qonunchilikda belgilangan tartib va talablar asosida amalga oshirilayotganligi muhokama qilindi. Davlat kadastri geografik joylashuv, huquqiy maqom, miqdor va sifat ko‘rsatkichlari hamda bahoga oid ma’lumotlarni o‘z ichiga olgan yagona tizim sifatida yuritilishi belgilangan.

Deputat tomonidan fuqarolarning murojaatlarini ko‘rib chiqish muddatlariga rioya etilishi, elektron xizmatlardan foydalanish imkoniyatlari, navbatlarni qisqartirish, xizmat ko‘rsatish madaniyati hamda murojaatchilar uchun yaratilgan shart-sharoitlarga alohida e’tibor qaratildi.

O‘rganish yakunida qonun talablarining to‘liq va samarali ijrosini ta’minlash, davlat kadastrlari ma’lumotlarining ishonchliligini oshirish, aholiga tezkor va sifatli xizmat ko‘rsatish, murojaatlarni o‘z vaqtida hal etish hamda raqamli texnologiyalardan keng foydalanish bo‘yicha mas’ullarga tegishli tavsiya va takliflar berildi.