O‘zbekiston Respublikasi davlat mustaqilligining 35 yilligi munosabati bilan Xalq deputatlari Paxtakor tumani Kengashining 5-Quruvchi saylov okrugi deputati A.Isakulov tashabbusi bilan Paxtakor tumani Samarqand MFYda istiqomat qiluvchi yolg‘iz keksalar xonadonida hashar va obodonlashtirish ishlari tashkil etildi.

Hashar davomida hovli va tomorqalar begona o‘tlardan tozalanib, hudud obodonlashtirildi, daraxtlar parvarish qilinib, xonadon atrofi tartibga keltirildi. Shuningdek, nuroniy otaxon va onaxonlar holidan xabar olinib ular bilan samimiy suhbat o‘tkazildi hamda bayram arafasida ularga e’tibor va g‘amxo‘rlik ko‘rsatildi.

Bunday ezgu tashabbuslar jamiyatimizda mehr-oqibat inson qadrini ulug‘lash va mahallalarda hamjihatlik muhitini yanada mustahkamlashga xizmat qiladi.

🇺🇿 Yurtimiz tinchligi, mahallalarimiz obodligi va keksalarimiz duosi – eng katta boyligimizdir!