Xalq deputatlari Andijon shahar Kengashi raisi R. Ziyayev o‘z saylov okrugidagi “Ishchilar” MFY hududida bo‘lib, mahalla idorasini qayta qurish bo‘yicha olib borilayotgan ishlar bilan tanishdi.

Tashrif davomida mahalla raisi bilan birgalikda qurilish-ta’mirlash jarayonlari ko‘zdan kechirilib, amalga oshirilayotgan ishlarning sifati, belgilangan rejalar asosida olib borilishi hamda kelgusidagi vazifalar muhokama qilindi.

Mahalla idorasini zamonaviy va qulay shaklda tashkil etish, fuqarolar uchun munosib shart-sharoitlar yaratish, aholiga ko‘rsatilayotgan xizmatlar sifatini yanada oshirish masalalariga alohida e’tibor qaratildi.

O‘rganish jarayonida mas’ullarga ishlarni sifatli tashkil etish, belgilangan muddatlarda yakunlash hamda hudud obodonligini ta’minlash yuzasidan tegishli tavsiya va topshiriqlar berildi.