Xalq deputatlari Surxondaryo viloyati Kengash raisi Abduraim Choriyev namunali xonadonda bo‘ldi

Xalq deputatlari Surxondaryo viloyati Kengashi raisi Abduraim Choriyev 16-Qaldirg'och saylov okrugi, Bandixon tumanining "Qaldirg‘och" mahallasida istiqomat qiluvchi Yaxshiboyev Gulboy xonadonida bo‘lib, tomorqadan samarali foydalanish hamda issiqxona faoliyati bilan yaqindan tanishdi.

Mazkur xonadonda 4 sotix maydonda zamonaviy issiqxona tashkil etilgan bo‘lib, unda pomidor yetishtirilmoqda. Issiqxona faoliyati natijasida birinchi mavsumning o‘zida 15 million so‘m daromad olingani qayd etildi.

Tashrif davomida tomorqa yerlaridan unumli foydalanish, aholi bandligini ta'minlash, oilalar daromadini oshirish va bu kabi ilg‘or tajribalarni keng ommalashtirish masalalari yuzasidan fikr almashildi.

Yakunda bunday namunali xonadonlar tajribasini keng targ‘ib etish, tomorqachilik va issiqxona xo‘jaligini rivojlantirish orqali aholi farovonligini yanada oshirish muhimligi alohida ta'kidlandi.