Xalq deputatlari Qo‘qon shahar Kengashi kotibiyati mudiri A.Nosirov tomonidan 27-sonli umumta’lim maktabida joylashgan suv havzasining bugungi holati yuzasidan o‘rganish ishlari olib borildi.

O‘rganish davomida mazkur suv havzasi "Dolzarb 90 kun" dasturi doirasida yozgi ta’til davrida yoshlarning bo‘sh vaqtini mazmunli tashkil etish, ularni suzish sportiga jalb etish hamda sog‘lom turmush tarzini targ‘ib etishda muhim o‘rin tutayotgani qayd etildi.

Shuningdek, suv havzasida yaratilgan sharoitlar, undan foydalanish tartibi, sanitariya-gigiyena talablari, xavfsizlik choralariga rioya etilishi hamda bolalar uchun qulay va xavfsiz muhit yaratish masalalari atroflicha ko‘zdan kechirildi.

O‘rganish jarayonida maktab rahbariyati bilan suv havzasining imkoniyatlarini yanada kengaytirish, bolalar va yoshlar uchun qulayliklarni oshirish, mavjud infratuzilmani takomillashtirish hamda xizmatlar sifatini yaxshilash yuzasidan fikr almashildi.

Xalq deputatlari Qo‘qon shahar Kengashi