#deputat_faoliyati
#nazorat_tahlil

"Takiya ota" ziyoratgohida olib borilayotgan bunyodkorlik ishlari deputat nazoratida

Xalq deputatlari Qiziriq tumani Kengashiga 3-Takiya saylov okrugidan saylangan deputat A.Abdinazarov tomonidan O‘zbekiston Respublikasi Prezidentining 2025-yil 24-dekabrdagi "Surxondaryo viloyatining salohiyati va imkoniyatlaridan to‘liq foydalanish bo‘yicha qo‘shimcha chora-tadbirlar to‘g‘risida"gi PQ–386-son qarori ijrosini ta’minlash maqsadida "Takiya ota" ziyoratgohida amalga oshirilayotgan qurilish va obodonlashtirish ishlari joyiga chiqib o‘rganildi.

O‘rganish davomida ziyoratgoh hududida olib borilayotgan bunyodkorlik ishlari, infratuzilmani yaxshilash, tashrif buyuruvchilar uchun yaratilayotgan qulay shart-sharoitlar hamda qurilish ishlarining borishi ko‘zdan kechirildi.

Shuningdek, amalga oshirilayotgan ishlarning belgilangan muddatlarda va sifatli yakunlanishini ta’minlash, aniqlangan kamchiliklarni o‘z vaqtida bartaraf etish hamda hududning turizm salohiyatini yanada oshirish masalalari yuzasidan mas’ullar bilan fikr almashildi.

Deputatlik nazorati doirasida mazkur loyihaning ijrosi yuzasidan o‘rganishlar izchil davom ettiriladi.

Qiziriq tumani Kengashi Axborot xizmati 
Rasmiy sahifalarimiz👇
Telegram | Facebook | E-kengash |Instagram