Obodonlashtirish va huquqiy targ‘ibot ishlari davom etmoqda.

Xalq deputatlari Qiziltepa tuman Kengashi deputati M. Karimova o‘z saylov okrugida bo‘lib, aholi xonadonlarida obodonlashtirish va sanitariya holati bilan yaqindan tanishdi.

Mustaqilligimizning 35 yilligi munosabati bilan deputat tomonidan saylovchilar o‘rtasida obodonlashtirish, ozodalikka rioya qilish, ko‘cha va xonadonlar atrofini namunali saqlash bo‘yicha targ‘ibot ishlari olib borildi. Fuqarolar mahallalarni yanada obod va fayzli maskanga aylantirishga faol hissa qo‘shishga chaqirildi.

Shuningdek, uchrashuvlar davomida “Dori vositalari va farmatsevtika faoliyati to‘g‘risida”gi O‘zbekiston Respublikasi Qonuni (yangi tahrir, O‘RQ-399, 2016-yil 4-yanvar)ning mazmun-mohiyati jamoatchilikka tushuntirildi. Qonunning dori vositalaridan oqilona foydalanish, ularning sifati va xavfsizligini ta’minlash hamda farmatsevtika faoliyatini tartibga solishga qaratilgan asosiy normalari yuzasidan fuqarolarga batafsil ma’lumot berildi.