Xalq deputatlari Mirzo Ulug‘bek tumani Kengashining 22-"Alisherobod" saylov okrugi deputati, O‘zbekiston XDP a’zosi Axmedova Gulchexra Uralovna o‘z saylov okrugida faoliyat yuritayotgan mahalla yettiligi a’zolari bilan uchrashuv o‘tkazdi.

Uchrashuv davomida hududda amalga oshirilayotgan ishlar, aholi murojaatlari, ijtimoiy himoyaga muhtoj oilalarni qo‘llab-quvvatlash, yoshlar bandligini ta’minlash, xotin-qizlar bilan ishlash, huquqbuzarliklarning oldini olish, obodonlashtirish va sanitariya holatini yaxshilash, shuningdek, hududda mavjud dolzarb muammolar yuzasidan atroflicha fikr almashildi.

Deputat tomonidan mahalla yettiligi bilan hamkorlikni yanada mustahkamlash, fuqarolar murojaatlarini o‘z vaqtida ko‘rib chiqish hamda ularning ijobiy yechimini ta’minlash yuzasidan tegishli vazifalar belgilab olindi.

Shuningdek, deputat tomonidan fuqarolar qabuli o‘tkazilib, murojaatlari tinglandi. Har bir murojaat mazmunan chuqur o‘rganilib, fuqarolarni qiziqtirgan savollarga asosli va batafsil javoblar berildi. Ayrim muammolar shu joyning o‘zida ijobiy hal etilgan bo‘lsa, qo‘shimcha o‘rganish, tahlil va muvofiqlashtirish talab etiladigan masalalar tegishli bo‘limlar va mas’ul mutaxassislarga yo‘naltirilib, ularning ijrosi nazoratga olindi.