Xalq deputatlari Nurobod tumani Kengashining Ijtimoiy soha, yoshlar siyosati, madaniyat va sport masalalari bo‘yicha doimiy komissiyasi a’zosi S.Zoirova hamda deputatga biriktirilgan tashkilot hodimi bilan hamkorlikda 23–Xalqobod saylov okrugida joylashgan Xalqobod mahallasi faollari va oqsoqollari bilan uchrashuv o‘tkazdi.

Uchrashuv davomida O‘zbekiston Respublikasi Mustaqilligining 35 yilligi bayrami arafasida mahalla binosini munosib holatga keltirish, zarur sharoitlarni yaratish hamda aholiga sifatli xizmat ko‘rsatishni tashkil etish bilan bog‘liq mavjud muammolar o‘rganildi.

Aniqlangan muammolarni bartaraf etish maqsadida deputat tomonidan Nurobod tumani hokimining birinchi o‘rinbosari R.Niyazov nomiga deputat so‘rovi yuborildi. Unda Xalqobod mahalla fuqarolar yig‘ini binosi uchun zarur mebel va jihozlar hamda qurilish materiallarini xarid qilish maqsadida mahalliy budjet mablag‘lari hisobidan mablag‘ ajratilishida amaliy yordam ko‘rsatish masalasini belgilangan tartibda ko‘rib chiqish so‘raldi.

Shuningdek, uchrashuv davomida mahalladagi boshqa dolzarb masalalar ham muhokama qilinib, ularni bosqichma-bosqich hal etish yuzasidan tegishli tashkilotlarga qaratilgan taklif va tavsiyalar bildirildi.

Xalq deputatlari Nurobod tumani Kengashi deputatlari tomonidan saylov okruglarida fuqarolar bilan ochiq muloqot o‘tkazish, hududlardagi muammolarni joyida o‘rganish hamda ularning yechimi yuzasidan amaliy choralar ko‘rish ishlari izchil davom ettirilmoqda.