🏛 Sherobod tuman Korrupsiyaga qarshi kurashish komissiyasining yig‘ilishi bo‘lib o‘tdi

Xalq deputatlari Sherobod tumani Kengashi raisi O. Tursunov hamda Sherobod tumani prokurorining katta yordamchisi A. Mamayorov ishtirokida Sherobod tumani davlat arxivida Sherobod tumani Korrupsiyaga qarshi kurashish komissiyasining yig‘ilishi bo‘lib o‘tdi.

📌 Yig‘ilish davomida davlat organlari va tashkilotlarida korrupsiyaning oldini olish, manfaatlar to‘qnashuviga yo‘l qo‘ymaslik, byudjet mablag‘laridan oqilona va maqsadli foydalanish, davlat xaridlarida ochiqlik hamda shaffoflikni ta’minlash masalalari muhokama qilindi.

🤝 Yig‘ilishda korrupsiyaga nisbatan murosasiz munosabatni shakllantirish, davlat organlari faoliyatida ochiqlik va shaffoflikni ta’minlash, fuqarolar murojaatlari bilan ishlash sifatini oshirish hamda korrupsiyaviy xavf-xatarlarning oldini olish bo‘yicha ustuvor vazifalar belgilab olindi.

✅ Yig‘ilish yakunida kun tartibidagi masalalar yuzasidan tegishli qarorlar qabul qilinib, belgilangan topshiriqlar ijrosi mas’ul tashkilotlar tomonidan qat’iy nazoratga olinishi ta’kidlandi.