Mirzo Ulug‘bek tumanining “Oqibat”, “Nur”, “Lashkarbegi” va “Mustaqillik” mahallalari fuqarolar yig‘inlarida psixologlar tomonidan “Ayollar daftari” ro‘yxatida turgan, psixologik yordamga muhtoj xotin-qizlar uchun psixologik suhbat va treninglar tashkil etilmoqda.

“Oqibat” mahallasida o‘tkazilgan uchrashuvda Xalq deputatlari Mirzo Ulug‘bek tumani Kengashi raisi, O‘zLiDeP a’zosi Yuldasheva Muyassar Tairovna ham ishtirok etib, “Ayollar daftari”ga kiritilgan xotin-qizlarning huquqiy savodxonligini oshirish, ularni tadbirkorlikka, kasb-hunarga o‘rgatish va ruhiy qo‘llab-quvvatlash maqsadida mahallalarda doimiy ravishda bepul seminar-treninglar tashkil etilayotganligi haqida gapirib o‘tdi. 

Ta’kidlanishicha, bunday uchrashuv va davra suhbatlari jamiyatda huquqiy ongni yuksaltirish, oilalar mustahkamligini ta’minlash hamda zo‘ravonlikka nisbatan murosasiz munosabatni shakllantirishda muhim ahamiyat kasb etadi.