Imkoniyati cheklanganlar holidan xabar olindi 

Xalq deputatlari Qo‘shko‘pir tumani Kengashi deputati B. Jabbarov
hamda kotibiyat bosh mutaxassisi S. Matyaqubovalar Shixmashhad
mahallasi, Quvonch ko‘chasi 8-uyda istiqomat qiluvchi I guruh nogironi Qodirov
Qodirbek Olimboyevich va Qodirova Muqaddas Olimboyevna xonadoniga
tashrif buyurdilar. 

Tashrif davomida fuqarolarning sog‘lig‘i, yashash sharoiti va tibbiy
xizmatdan foydalanish holati o‘rganildi. Ularni o‘z vaqtida hamda sifatli
tibbiy xizmat bilan ta’minlash masalalari yuzasidan mas’ul tashkilotlarga
tegishli tavsiya va topshiriqlar berildi. 

Bunday tashriflar aholini, ayniqsa ijtimoiy himoyaga muhtoj fuqarolarni har
tomonlama qo‘llab-quvvatlash, ularning muammolarini joyida o‘rganish va amaliy
yechim topishga qaratilgan deputatlik nazoratining muhim yo‘nalishlaridan
biridir. Yangi O‘zbekistonda inson qadri va ijtimoiy adolat tamoyillarini
hayotga tatbiq etish, aholining munosib turmush sharoitini ta’minlash
borasidagi davlat siyosati izchil amalga oshirilmoqda.