#XAFTALIK_ISH_REJA_IJROSI


✅Xalq deputatlari Sirdaryo viloyati Kengashi deputati
B. Sobirov hamda Xalq deputatlari Shirin shahar Kengashi deputati M. Salimova va Kengash kotibiyati bosh mutaxassisi N. Nazarovalar tomonidan Nurobod mahallasidagi ichki ko‘cha yo‘llarining holati hamda ko‘chalarni tungi yoritish tizimi o‘rganildi.

✅O‘rganish davomida mahalla hududidagi ichki ko‘cha yo‘llari umumiy holati qoniqarli ekani, yo‘llarning ayrim qismlari “Ochiq budjet” loyihasi doirasida ta’mirlanganligi hamda fuqarolar uchun qulay harakatlanish sharoitlari yaratilganligi aniqlandi. Shu bilan birga, ayrim ko‘chalarda o‘rnatilgan tungi yoritish chiroqlarining ishlamayotgani, ayrim yoritish moslamalari kuyganligi sababli kechki va tungi vaqtlarda hududning yetarli darajada yoritilmayotgani qayd etildi.

✅Aniqlangan kamchiliklarni bartaraf etish, ishlamayotgan tungi yoritish chiroqlarini ta’mirlash yoki yangilariga almashtirish hamda ko‘cha yoritish tizimining uzluksiz ishlashini ta’minlash yuzasidan mas’ul tashkilotlarga tegishli taklif va tavsiyalar berildi. Mazkur masala deputatlik nazoratiga olinib, aniqlangan kamchiliklarni bartaraf etish bo‘yicha amalga oshiriladigan ishlarning ijrosi nazoratga olindi.