Xalq deputatlari Bo‘stonliq tumani Kengashining 2026-yilga mo‘ljallangan ish rejasiga muvofiq O‘zbekiston Ekologik partiyasidan saylangan deputat S.Ramatjonov va kotibiyat xodimi N.Kurganova tomonlaridan tumanning “Daxana” mahallasiga biriktirilgan ijtimoiy J.Nurmetovning yolg‘iz keksalar, nogironligi bo‘lgan shaxslar, boquvchisini yo‘qotgan oilalar, og‘ir ijtimoiy ahvolga tushib qolgan fuqarolar va ijtimoiy xizmatga muhtoj boshqa toifadagi aholi bilan amalga oshirilayotgan manzilli ishlari tahlil qilindi.

O‘rganish davomida ijtimoiy xodim tomonidan ehtiyojmand oilalarni aniqlash, ularning ijtimoiy holatini baholash, "Ijtimoiy himoya yagona reyestri" va boshqa axborot tizimlari orqali xizmatlar ko‘rsatish, davlat tomonidan belgilangan nafaqa, moddiy yordam, reabilitatsiya vositalari va ijtimoiy xizmatlardan foydalanishlariga ko‘maklashish ishlarining tashkil etilishi ko‘rib chiqildi.

Shuningdek, og‘ir hayotiy vaziyatga tushib qolgan fuqarolar bilan individual ishlash, ularning muammolarini manzilli hal etish, sog‘liqni saqlash, bandlik, ta’lim va boshqa sohalardagi ehtiyojlarini mutasaddi tashkilotlar bilan hamkorlikda bartaraf etish yuzasidan amalga oshirilayotgan chora-tadbirlar o‘rganildi. Ijtimoiy xizmatga muhtoj shaxslarning har biri bo‘yicha yuritilayotgan hujjatlar, murojaatlar ijrosi va amaliy natijalar tahlil qilindi.