Muloqot davomida tadbirkorlar tomonidan biznes faoliyatini rivojlantirish, infratuzilmani yaxshilash, kommunal xizmatlar sifati, elektr va suv ta’minoti hamda tadbirkorlikni qo‘llab-quvvatlashga oid taklif va murojaatlar bildirildi. Deputat har bir masala yuzasidan tadbirkorlarning fikr-mulohazalarini tinglab, ularni ijobiy hal etish yuzasidan amaliy choralarni belgilab oldi.

Shuningdek, deputat mahalla hududida faoliyat ko‘rsatayotgan savdo shoxobchalarida bo‘lib, iste’mol bozoridagi narx-navoning barqarorligi, aholiga taklif etilayotgan oziq-ovqat va kundalik iste’mol mahsulotlarining sifati hamda savdo xizmatlari holatini jamoatchilik nazorati doirasida o‘rgandi.

O‘rganish yakunida aniqlangan muammolarni bartaraf etish, tadbirkorlar faoliyatini qo‘llab-quvvatlash hamda tegishli masalalar yuzasidan vakolatli tashkilotlarga deputatlik so‘rovlari yuborish orqali ularning ijrosini nazoratga olish belgilandi.

Tadbirkorlar faoliyatini qo‘llab-quvvatlash, iste’molchilar manfaatlarini himoya qilish va hududdagi muammolarni amaliy hal etish deputatlik faoliyatining muhim yo‘nalishlaridan biridir.

️ Xalq deputatlari Samarqand shahar Kengashi