✅ Deputatlik nazorati: PQ–141-son qarori ijrosi joyiga chiqib o‘rganildi

🏛 Xalq deputatlari Sherobod tumani Kengashi kotibiyati mudiri O. Tursunov, Xalq deputatlari Sherobod tumani Kengashining 19-Sherobod saylov okrugi deputati A. Choriyev hamda Kengash kotibiyati bosh mutaxassisi Sh. Xo‘janazarov tomonidan Xalq deputatlari Sherobod tumani Kengashining 11-Chuqurko‘l saylov okrugi deputati T. Shodiyev saylov okrugiga qarashli "Chuqurko‘l" mahallasida deputatlik nazorati olib bordi.

🔹 Nazorat davomida O‘zbekiston Respublikasi Prezidentining 2024-yil 28-martdagi PQ–141-son "Islom taraqqiyot banki ishtirokida “Qishloq joylarni kompleks rivojlantirish” (2-bosqich) loyihasini amalga oshirish chora-tadbirlari to‘g‘risida"gi qarori ijrosi doirasida amalga oshirilayotgan ishlar ko‘zdan kechirildi.

🏫 Xususan, "Chuqurko‘l" mahallasida joylashgan 67-son umumta’lim maktabi uchun barpo etilayotgan 240 o‘rinli yangi o‘quv binosi qurilish jarayoni bilan yaqindan tanishildi. Qurilish ishlarining borishi, sifati hamda belgilangan muddatlarga rioya etilishi yuzasidan o‘rganish olib borildi.

✅ Deputatlik nazorati davomida hududda amalga oshirilayotgan bunyodkorlik ishlari, loyiha ijrosi va qurilish sifati yuzasidan mas’ullarga tegishli tavsiyalar berildi. Bu kabi nazorat tadbirlari davlat dasturlari ijrosining samaradorligini ta’minlash hamda aholi manfaatlarini himoya qilishga xizmat qiladi.