Deputat máhálle profilaktika inspektorınıń jumısı menen tanıstı

Xalıq deputatları Shımbay rayonlıq Keńesi 10-sanlı “A.Pirniyazov” saylaw okrugi “Adolat” social-demokratik partiyası deputatı Q.Xamidullaev “Qamıs arıq” APJ jumıs alıp barıp atırǵan profilaktika inspektorınıń jumısı menen tanıstı.

Úyreniw dawamında jınayatshılıq hám huqıqbuzarlıqlardıń aldın alıw, xalıqtıń múrájatları menen islesiw, profilaktikalıq esapta turıwshı shaxslar menen alıp barılıp atırǵan jumıslar, jaslar hám hayal-qızlar arasında huqıqıy úgit-násiyatlaw ilajları jáne máhállede qáwipsiz ortalıqtı támiyinlew boyınsha ámelge asırılıp atırǵan ilajlar dodalandı.

Sonday-aq, máhálledegi mashqalalar boyınsha pikir alısılıp, olardı saplastırıw boyınsha tiyisli usınıslar berildi. Deputat tárepinen profilaktika inspektorınıń jumısın jáne de nátiyjeli shólkemlestiriw hám xalıq penen birge islesiwdi kúsheytiw boyınsha ámeliy usınıslar bildirildi.