Депутат сайлаў округинда алып барылып атырған қурылыс жумысларын үйренди

♻️ Халық депутатлары Шымбай районлық Кеңеси баслығы О.Толыбеков өзи сайланған «Темир жол гүзары» МПЖ аймағында болып, алып барылып атырған қурылыс жумыслары менен жақыннан танысты.

✅ Өзбекстан Республикасы Президентиниң 2025-жыл 7-май күнги «Энергия нәтийжелилигин арттырыўға қаратылған жойбарларды жеделлестириў илажлары ҳаққында»ғы 300-санлы қарарының орынланыўын тәмийинлеў мақсетинде, «Темир жол гүзары» МПЖ аймағында жаңа социаллық объект бой тиклемекте. Атап айтқанда, район ҳәкимлиги балансында болған ески имаратты заманагөй көп тармақлы поликлиникаға айландырыў мақсетинде 6,5 млрд. сўм қаржы ажыратылған болып, бүгинги күнде курылыс кәрханасы болған — «TAJ TURAQ JAY INVEST STORY» ЖШЖ тәрепинен сапалы ҳәм белгиленген кесте тийкарында қарқынлы қурылыс жумыслары алып барылмақта.

✍️ Депутат үйрениў даўамында қурылыс жумысларының сапасы, ислетилип атырған қурылыс материалларының белгиленген талапларға жуўап бериўи ҳәм энергия нәтийжелилигин арттырыў стандартларының сақланыўына айрықша итибар қаратылды. Соның менен бирге, объектти белгиленген мүддетлерде пайдаланыўға тапсырыў, қурылыс процессинде қәўипсизлик қадағалаўын қатаң сақлаў бойынша жуўапкерлерге тийисли усыныс ҳәм тапсырмалар берилди.