Xalq deputatlari Pastdarg‘om tumani Kengashi kotibiyati mutaxassislari deputatlik faoliyatini samarali tashkil etishda doimiy amaliy ko‘mak ko‘rsatib kelmoqda.

Jumladan, deputatlarga deputatlik so‘rovlarini tayyorlash, fuqarolar murojaatlarini ko‘rib chiqish, mahallalarda olib borilayotgan o‘rganishlar natijalarini tahlil qilish, sessiyalar va doimiy komissiyalar uchun zarur hujjatlarni rasmiylashtirish hamda qonunchilik hujjatlari ijrosi yuzasidan monitoring ishlarini tashkil etishda uslubiy va tashkiliy yordam ko‘rsatilmoqda.

Shuningdek, kotibiyat mutaxassislari deputatlar tomonidan ko‘tarilgan muammolarni tegishli tashkilotlar bilan hamkorlikda hal etish, ularning ijrosini nazorat qilish va natijadorlikni ta'minlash yo‘nalishida ham faol ishtirok etmoqda.

Deputatlar faoliyatini puxta tashkiliy va huquqiy jihatdan qo‘llab-quvvatlash, tashabbuslarning samaradorligini oshirish kotibiyatning ustuvor vazifasi.