Xalq deputatlari Qo‘qon shahar Kengashi raisi O‘.Tojiyeva hamda Kengash kotibiyati mudiri A.Nosirov tomonidan O‘zbekiston Respublikasining "Jismoniy tarbiya va sport to‘g‘risida"gi Qonuni ijrosi yuzasidan Qo‘qon shahar 1-sonli sport maktabida o‘rganish ishlari olib borildi.

O‘rganish davomida sport maktabida o‘quv-mashg‘ulot jarayonining tashkil etilishi, sport inshootlarining holati, sport inventarlari bilan ta’minlanganlik darajasi hamda sportchilar uchun yaratilgan shart-sharoitlar atroflicha ko‘zdan kechirildi.

Shuningdek, yoshlarni sportga keng jalb etish, ularning bo‘sh vaqtini mazmunli tashkil etish, mashg‘ulotlarning sifatli olib borilishi hamda murabbiylar tomonidan amalga oshirilayotgan ishlar yuzasidan mas’ullar bilan fikr almashildi.

O‘rganish jarayonida sport maktabida amaldagi qonunchilik talablariga rioya etilishi, mavjud infratuzilmadan samarali foydalanish, sportchilarning xavfsizligi va sog‘lig‘ini ta’minlash borasida olib borilayotgan ishlar ham tahlil qilindi.

Xalq deputatlari Qo‘qon shahar Kengashi