Xalq deputatlari Qo‘qon shahar Kengashining 20-"Tulaboy" saylov okrugidan saylangan deputati O‘.Maxmudov tomonidan Ganjiravon mahallasida joylashgan 7-oilaviy poliklinika filialida Xalq deputatlari Qo‘qon shahar Kengashining navbatdagi sessiyasi kun tartibiga kiritilgan Shahar tibbiyot birlashmasi boshlig‘ining 2026-yil 6 oyi davomida amalga oshirilgan ishlari to‘g‘risidagi hisoboti yuzasidan nazorat-tahlil ishlari olib borildi.

O‘rganish davomida filial binosida bemorlar uchun yaratilgan sharoitlar, tibbiyot muassasasining moddiy-texnik bazasi, binoning saqlanish holati hamda sanitariya-gigiyena talablariga rioya etilishi atroflicha ko‘zdan kechirildi.

Shuningdek, aholiga ko‘rsatilayotgan birlamchi tibbiy xizmatlar sifati, shifokorlar va tibbiyot xodimlari faoliyati, fuqarolar murojaatlari bilan ishlash tizimi hamda tibbiy xizmatlarning sifat va samaradorligi yuzasidan tahlillar o‘tkazildi.

Nazorat jarayonida aniqlangan holatlar yuzasidan mas’ullar bilan muhokamalar o‘tkazilib, mavjud kamchiliklarni bartaraf etish, tibbiy xizmatlar sifatini yanada oshirish hamda aholiga qulay va zamonaviy tibbiy xizmat ko‘rsatishni ta’minlash yuzasidan tegishli tavsiya va takliflar bildirildi.

Xalq deputatlari Qo‘qon shahar Kengashi