Prezident Shavkat Mirziyoyevning “Inflyatsiya – kam ta’minlangan oilalarga qo‘shimcha soliq” degan fikri bugungi iqtisodiy siyosatning eng muhim yo‘nalishlaridan birini ifodalaydi. Haqiqatan ham, narx-navoning asossiz oshishi, avvalo, daromadi cheklangan oilalarning xarid qobiliyatiga salbiy ta’sir ko‘rsatadi.
🌏Xalq deputatlari Jondor tumani Kengashi deputati sifatida, inflyatsiyani jilovlash, bozorlarda narxlar barqarorligini ta’minlash, tadbirkorlikni qo‘llab-quvvatlash va mahalliy ishlab chiqarishni kengaytirish aholi farovonligini oshirishning muhim omili, deb hisoblayman.
🌏Shu bilan birga, hududlarda oziq-ovqat mahsulotlari narxlarini doimiy monitoring qilish, raqobat muhitini kuchaytirish hamda ijtimoiy himoyaga muhtoj oilalarni qo‘llab-quvvatlash bo‘yicha amalga oshirilayotgan ishlar ustidan deputatlik nazoratini yanada kuchaytirish zarur. Chunki iqtisodiy barqarorlik va inflyatsiyaning pasayishi har bir oilaning turmush darajasi yaxshilanishiga, xalqning davlat siyosatidan roziligini oshirishga xizmat qiladi.