Xalq deputatlari Jondor tumani Kengashiga 6-Mirzayon saylov okrugidan saylangan deputat G‘. Hamroyev hamda tuman Kengashi kotibiyati bosh mutaxassisi R. Murodov hamkorligida Mirzayon mahallasida profilaktika inspektori faoliyati joyiga chiqib o‘rganildi.
🌏O‘rganish davomida hududdagi kriminogen vaziyat, huquqbuzarliklarning oldini olish, fuqarolar xavfsizligini ta’minlash hamda profilaktik tadbirlarning samaradorligi yuzasidan mas’ullar bilan atroflicha fikr almashildi.
🌏Muhokama jarayonida xotin-qizlar o‘rtasida sodir etilayotgan jinoyatlar sonining ortib borayotgani tashvish uyg‘otayotgani ta’kidlanib, bunday holatlarning oldini olish bo‘yicha manzilli profilaktik chora-tadbirlarni kuchaytirish, mahalla faollari va tegishli tashkilotlar hamkorligini yanada mustahkamlash zarurligi qayd etildi.
🌏Shuningdek, hududda jamoat xavfsizligini ta’minlash maqsadida avtomobil davlat raqamlarini avtomatik aniqlovchi kuzatuv kameralarini o‘rnatishga ehtiyoj mavjudligi bildirildi. Mazkur masala yuzasidan mutasaddi tashkilotlarga tegishli takliflar ishlab chiqish va amaliy choralar ko‘rish bo‘yicha tavsiyalar berildi.
🌏Deputatlik nazorati doirasida bu kabi o‘rganishlar hududdagi mavjud muammolarni o‘z vaqtida aniqlash, ularni bartaraf etish hamda fuqarolarning xavfsiz va osoyishta hayotini ta’minlashga xizmat qiladi.